May 29th, 2019WALKING CAMPAIGN TO RAISE THE AWARENESS ON THE RIGHTS OF PEOPLE WITH DISABILITIES IN THE COMMUNITY.

(កំពង់ឆ្នាំង)៖ ឯកឧត្តម ឯម ច័ន្ទមករា អគ្គលេខាធិការនៃអគ្គលេខាធិការដ្ឋានក្រុមប្រឹក្សាសកម្មភាពជនពិការ បានលើកឡើងថា កិច្ចការងារបង្ការពិការភាព គឺផ្តើមចេញពីខ្លួនឯង ពីព្រោះថា ស្រ្តីដែលមានផ្ទៃពោះគ្រប់រូប ត្រូវយកចិត្តទុកដាក់ទៅពិនិត្យគភ៌ឲ្យបានទៀតទាត់ ទៅតាមវេជ្ជបណ្ឌិតនៅតាមមណ្ឌលសុខភាព ឬមន្ទីរពេទ្យបង្អែកដែលនៅជិតបំផុត ដើម្បីតាមដានសុខភាពឲ្យបានល្អ និងពេលកូនកើតមកមិនអាចប្រឈម នឹងពិការភាព ។
ឯកឧត្តម បានបន្តថា ភាគច្រើន ស្រ្តីដែលមានគភ៌រស់នៅតាមជនបទគឺ ពិសារស្រាថ្នាំ នៅពេលគាត់ឈឺពោះ ដោយមិនបាន ទៅពិនិត្យសុខភាព ឬទៅនមន្ទីរពេទ្យ ចំណុចនេះហើយ អាចធ្វើឲ្យកូនក្នុងផ្ទៃ ប្រឈមមានពិការភាព។
ការលើកឡើងរបស់ឯកឧត្តម ឯម ច័ន្ទមករា បានធ្វើឡើងនៅក្នុងយុទ្ធនាការដើរផ្សព្វផ្សាយសិទ្ធិជនមានពិការភាពក្នុងសហគមន៍ក្រោមប្រធានបទ «សារៈប្រយោជន៍មុននិងក្រោយសម្រាល ដើម្បីបង្កាកុំឱ្យមានពិការភាព និងសិទ្ធិទទួលបានសេវាសុខភាពសាធារណៈដោយឥតបង់ថ្លៃ» របស់ប្រជាពលរដ្ឋប្រមាណ ៥០០នាក់ក្នុងខេត្តកំពង់ឆ្នាំង រៀបចំដោយអង្គការករុណាបាត់ដំបង នៅបរិវេណ វត្តបល័ង្គ ឃុំពង្រ ស្រុករលាប្អៀរ នាព្រឹកថ្ងៃទី២៩ ខែឧសភា ឆ្នាំ២០១៩ ។
ថ្លែងបន្ថែមនៅក្នុងពិធីនោះ ឯកឧត្តម ឯម ច័ន្ទមករា បានអំពាវនាវឲ្យមន្ទីរសុខាភិបាល យកចិត្តទុកដាក់ឲ្យបានល្អទៅលើស្រ្តីមានគភ៌ និងបានអំពាវនាវដល់ មន្ទីរអប់រំ យុវជន និងកីឡា ពិនិត្យលទ្ធភាព ក្នុងការផ្តល់ក្របខណ្ឌពិសេស ដល់គ្រូនៅតាមអង្គការនានាដែលបានបម្រើឲ្យវិស័យពិការភាព។ ជាមួយគ្នានោះ លោកក៏បានអំពាវនាវឲ្យ អាជ្ញាធរបញ្រ្ជបវិស័យពិការភាព ទៅក្នុងផែនការមេដូចជាការដោះស្រាយបញ្ហាជីវិត អនុវត្តភូមិ ឃុំ មានសុវត្ថិភាព ដើម្បីឲ្យវិស័យពិការភាពមាននិរន្តរភាព៕
May 29th, 2019
WALKING CAMPAIGN TO RAISE THE AWARENESS ON THE RIGHTS OF PEOPLE WITH DISABILITIES IN THE COMMUNITY.
TOPIC: THE IMPORTANCE OF ANTENATAL AND POST-NATAL CARE AND THE RIGHTS OF PEOPLE WITH DISABILITIES IN GETTING FREE PUBLIC HEALTH SERVICES
#KARUNA #BATTAMBANG #KARUNABATTAMBANG